ارز معمر بالسمان رووووعه ادخلى مش هاتندمى

اهلا بالقمرات

وكل حواء

انا من عشاق المطبخ وبحب التجديد

وبالذات الاكل المصرى

والايطالى

عندى انهارده ليكم اكله مصريه تجنن

بس جربوها وادعولى

وعد

تجربوها وتشاركونى

ويلا نبداسوا

المقادير

(1)ملعقة قشطه كبييره

(2)كوبين لبن كبار (بتاع الشاى )

(3)نصف قطعة زبده او سمنه بلدى

(4)كوبين ارز وطبعا ملح وفلفل اسود حسب الرغبه

(5)طبق السمان وده فى اى ماركت كبير هتلاقوه وفى كل الدول

(6)حسب عدد السمان ممكن يكونوا (سته )

(7)4بصل كبير

(8)خيط ابيض وابره

((الطريقه ))

نغسل السمان بالملح والليمون كويس اوى بعد تنظيفه جيدا من الداخل ونضعه فى المصفاه


نقطع البصل بالسكين وبايدينا قطع صغير كانه مبشور بس ممنوع استعمال الكبه او المبشره علشان ما يبقاش ميه وعلشان يقرمش

هانحط البصل فى طبق بلاستيك هاضع عليه ملعقة كمون كبيره ممسوحه وملعقه صغيره فلفل اسود مش ممسوحه وملح حسب الرغبه طبعا كله مطحون

طبعا هافرك البصل بايدى جامد مع اللى حطيته عليه ملح وفلفل وكمون واحط شويه زيت دره معاهم او اى نوع المهم افرك جامد

اجيب مقلاه واضع فيها البصل واقلبها شويه على نار هادئه جدا واتركها حوالى خمس دقائق مع تغطيتها حتى تستوى

وبعدين ابدا بحشو السمان بالبصل واخيطه بالخيط حتى لايقع منه الحشو السابق ذكره

اغلى ماء فى الحله او القدر واضع فيه ملح و5 فصوص حبهان (هيل)

بعد ما توصل الماء لدرجة الغليان اكون خلصت السمان وحشيته بالبصل وخيطته اضعه فى الماء لحتى يستوى للعلم يستوى سريعا

اغسل الكوبين الارز واسيبهم منقوعين فى الماء حتى يستوى السمان

بعد ما يستوى السمان نخرجه من الحله ونصفيه من المرقه بتاعته او الشوربه

طبعا اوعى ترمى الشوربه محتاجينها

طبعا هانصفى الارز ونجيب صينيه نضع فيها الارز وشويه بصل من اللى عملناهم وملح وهانحط عليه كوبين شوربه وكوبين لبن ونصف قطعة الزبده ونصف ملعقه القشطه

هانحط عل النار شويه لحد ما يستوى زى الارز العادى

هاجيب الزبده وباقى القشطه وادهنهم فوق الوش واحط عليه السمانم ادخله الفرن واحمره من فوق الوجه مع السمان

وبالهناء والشفاء

جربوا سهله مفيده وحلوه وطعمه جدا واى استفسار

باربى هنا